Dagskrá Akureyrarflokks

Athugið að á þriðjudögum, miðvikudögum og fimmtudögum kl. 10-11 er hægt að nálgast mat í gegnum samstarf okkar við Nettó.

Mánudagar

Bæn og matur kl. 11

Byrjað er á bænastund kl. 11 þar sem við biðjum fyrir innsendum bænaefnum og öðru sem okkur liggur á hjarta. Eftir bænastundina borðum við saman góðan hádegismat.

Þriðjudagar

Unglingastarf kl. 20-22

Starfið er fyrir unglinga í 8.-10. bekk. Skemmtilegar stundir þar sem áhersla er lögð á jákvæðan félagsskap og allir fái að vera þeir sjálfir. Við ræðum trúmál og lesum í Biblíunni, förum í leiki og skemmtum okkur saman.

Miðvikudagar

Fjölskyldustarf kl. 16-18

Opið hús er sérstaklega hugsað fyrir börn á grunnskólaaldri og fjölskyldur þeirra en allir eru velkomnir. Hugvekjur, leikir, söngur, föndur og fleira skemmtilegt. Alltaf er heitt á könnunni og svo endum við á því að borða saman einfaldan kvöldmat. Góð stund fyrir alla fjölskylduna.

Samkoma kl. 18 (einu sinni í mánuði)

Notaleg stund fyrir alla fjölskylduna, í umsjón Lárusar Óskars. Söngur, hugvekja, fyrirbæn, vitnisburðir og Biblíulestur. Boðið er upp á mat fyrir samkomu, komið endilega aðeins fyrr. Allir eru hjartanlega velkomnir.

Fimmtudagar

Handavinnukvöld kl. 19:30

Á fimmtudagskvöldum hittist fólk á öllum aldri og af ýmsum þjóðernum. Kvöldin eru bæði fyrir handavinnusnillinga og þau sem eru að stíga sín fyrstu skref. Þau sem mest kunna aðstoða þau sem hafa minni þekkingu. Kaffi á könnunni og góður félagsskapur.